Diniy nizolar davom etayotgan Myanmada yana 16 rohingya halok bo‘ldi

Myanmadagi Naf daryosida musulmon rohingyalar mingan qayiq ag‘darilishi natijasida 16 kishi halok bo‘ldi. Bu haqda politsiya vakillariga asoslangan holda mahalliy nashrlar xabar berdi.

Musulmonlar millatchi buddistlar ta'qibidan qochib Bangladeshga ketayotgandi.

Bangladeshlik chegarachilar birinchi sentabr tongida qirg‘oq yaqinida jasadlarni topishgan. Qayd etilishicha, jasadlarning 4 nafari o‘q tegishidan halok bo‘lgan.

Ayni vaqtgacha, Bangladeshga Naf daryosi orqali qochib urinishlar davomida halok bo‘lganlar soni 39 nafarni tashkil qiladi.

Bundan avvalroq Rohingya musulmonlari Yevropa kengashi (ERC) matbuot kotibi Anita Shug ma'lum qilgandiki, Myanmadagi  Arakan shtatida keyingi 3 kun mobaynida harbiylar hujumlari oqibatida 3 mingga yaqin musulmonlar halok bo‘lgan.