Qozog‘iston Afg‘oniston ustidan parvozlarni to‘xtatdi

Qozog‘istonning aviatsiya sohasidagi ma'muriyati mahalliy aviakompaniyalarga yo‘lovchilar xavfsizligiga tahdid borligi sababli Afg‘oniston ustidan parvozlarni bajarishni taqiqladi.

Ma'lumotlarga ko‘ra, ma'muriyat Afg‘oniston havo hududidan foydalanish bo‘yicha tahdidlar va xavf-xatarlarni baholagan. Uning natijalariga ko‘ra, Afg‘oniston ustidan parvozlarni to‘xtatishga qaror qilingan.

Shu munosabat bilan Qozog‘iston aviakompaniyalariga bu haqida tegishli ko‘rsatmalar yo‘llangan. Parvozlarga taqiqlov Afg‘onistondagi joriy vaziyat barqarorlashmaguncha amal qiladi.

#Afg‘oniston #Qozog‘iston