Qoʻshimcha funksionallar
-
Tungi ko‘rinish
O‘zbekiston va Afg‘oniston chegarasidagi qamishzorlarga rejali ravishda o‘t qo‘yilmoqda
Bu choralar zararkunanda hasharotlar ko‘payishi va yuqumli kasalliklar tarqalishining oldini olishga qaratilgan.

Foto: Facebook / Quvonchbek Isayevich
O‘zbekiston va Afg‘oniston chegarasida rejali yoqish ishlari o‘tkazilmoqda. Bu haqda Surxondaryo viloyati hokimligi xabar berdi.
Avvalroq, ijtimoiy tarmoqlarda Termiz shahri atrofida kuchli yong‘in yuz bergani tasvirlangan fotosuratlar tarqalgan edi.
Qayd etilishicha, Amudaryo orolchalaridagi qamishzorlarda turli kasalliklar tashuvchisi hisoblangan zararkunanda hasharotlar ko‘payishi va yuqumli kasalliklar tarqalishining oldini olish uchun rejali tartibda o‘t qo‘yish ishlari olib borilmoqda.
«Tadbir mutasaddi idoralar ruxsati hamda mas’ul organlarning o‘zaro kelishuvi asosida amalga oshirilib, orolchalardagi yong‘in ko‘lami to‘liq nazoratga olingan», deyiladi xabarda.
Tadbir belgilangan rejaga muvofiq olib borilayotgani aytilgan va fuqarolardan ortiqcha vahimaga berilmaslik so‘ralgan.
Mavzuga oid

19:02
Rossiyalik ovchi Surxondaryoda noyob morxo‘rni ovlash uchun 100 ming dollar to‘lagani ma’lum bo‘ldi

14:32 / 31.07.2025
Sergelidagi ko‘p qavatli uyda yong‘in sodir bo‘ldi

13:58 / 31.07.2025
Burchmulla o‘rmon xo‘jaligida yong‘in chiqdi

14:51 / 30.07.2025