Baxmutda asirlar almashinuvi, dron ovlayotgan rossiyalik zenitchilar. Urush suratlari

Ukrainada urushning 457-kuni o‘tdi. Asosiy ma’lumotlar:

• 26 may kuni Dniproda tibbiyot muassasalari binolariga rossiyaliklar raketalari kelib tushishi oqibatida yong‘in chiqdi. So‘nggi ma’lumotlarga ko‘ra, ikki kishi halok bo‘lib, 32 kishi yaralangan.
• Kiyevda o‘tkazilgan xavfsizlik bo‘yicha forumda AQSh Davlat kotibi o‘rinbosari Viktoriya Nuland ukrainlarni Vashington ularga Rossiya kelajakda yangi urush boshlashiga imkon bermaydigan xavfsizlik tizimi barpo etishda yordam berishiga ishontirdi.
• Pskov oblastida dronlar gaz o‘tkazish quvuri ma’muriy binosiga hujum qildi, Tver oblastida ham «Drujba» gaz o‘tkazish quvuri uchun neftni qayta ishlash stansiyasiga portlovchi qurilma o‘rnatilgan dron kelib urilgan.
• RF IIV armiyani obro‘zsizlantirish ishi bo‘yicha jinoiy ish ochilgan iqtisodchi Konstantin Soninni qidiruvga berdi.
• Niderlandiya bosh vaziri Mark Ryutte uning hukumati Kiyevga F-16 qiruvchilarini yetkazib berish imkoniyatini jiddiy ko‘rib chiqayotganini tasdiqladi, ammo, uning so‘zlariga ko‘ra, bu qaror hali qabul qilinmagan va buning uchun Vashingtonning roziligi talab etiladi.
• Ukraina Milliy xavfsizlik va mudofaa kengashi kotibi Oleksiy Danilov mamlakat armiyasi uzoq kutilgan qarshi hujumni boshlashga tayyorligini ma’lum qildi.

Kunning asosiy fotosurati. Ukrainalik asirlar va jasadlar almashinuvi

Ukraina QK va «Vagner» XHK (kompaniya o‘z bo‘linmalarini Baxmutdan olib chiqmoqda) o‘rtasida keng ko‘lamli harbiy asirlar almashinuvini o‘tkazdi. Ukrainalik harbiy asirlarning 106 nafari uyga qaytgan, Rossiya tomoni ozod qilgan yollanma jangchilar va harbiylarning soni ma’lum qilinmadi.

Dniproga raketa zarbasi oqibatlari

Ukraina QK jangchilari dron uchirmoqda

Qishloqdagi ayol otishmadan keyin o‘z uyi hovlisini metall izlovchi moslama bilan tekshirmoqda 

Frontdagi rossiyalik zenitchilar