Qoʻshimcha funksionallar
-
Tungi ko‘rinish
Medvedev yana Ukrainada yadro qurolidan foydalanish bilan tahdid qildi
Rossiya Xavfsizlik kengashi kotibi o‘rinbosari Kiyevni Rossiyadagi uchirish moslamalarini uzoq masofali raketalardan o‘qqa tutish borasida ogohlantirdi. Medvedevning ta’kidlashicha, bu Rossiyaning yadro qurolidan foydalanishiga olib kelishi mumkin.

Foto: RIA Novosti
Ukraina hududiga uyushtirilgan qator yirik raketa hujumlaridan so‘ng, 11 yanvar, payshanba kuni Rossiya Federatsiyasi Xavfsizlik kengashi kotibi o‘rinbosari Dmitriy Medvedev yana Kiyevga yadro qurolidan foydalanish bilan tahdid qildi.
«So‘nggi paytlarda Rossiya Federatsiyasi qurolli kuchlari tomonidan Ukrainadagi dushman harbiy obektlariga berilgan bir qator intensiv va samarali zarbalar harbiy-sanoat majmuamizning 2023 yil davomida muvaffaqiyatli va samarali ishlaganini tasdiqlaydi. Bundan tashqari, ma’lumki, har xil turdagi tashuvchilardan foydalanildi. Hozircha yadrodan boshqa», — deya Medvedevning Rossiya Federatsiyasi Harbiy-sanoat komissiyasining talab qilinadigan qurollar ishlab chiqarishni nazorat qilish bo‘yicha ishchi guruhi yig‘ilishidagi so‘zlarini keltiradi «Interfaks».
Keyinroq Rossiya sobiq prezidenti o‘zining Telegram-kanalida Kiyevni g‘arbning uzoq masofali raketalari bilan Rossiya hududidagi raketa uchiruvchi qurilmalarni o‘qqa tutish bo‘yicha ogohlantirdi. «Bu o‘zini himoya qilish huquqi emas, balki bunday davlatga qarshi yadro qurolidan foydalanishimiz uchun to‘g‘ridan to‘g‘ri va aniq asosdir», deb yozgan u.
Avvalroq Ukraina Havo kuchlari qo‘mondoni Yuriy Ignat o‘z mamlakatida Rossiyaning minglab S-300 raketalarini tutib olish uchun resurslar yo‘qligini, shuning uchun, uning so‘zlariga ko‘ra, bunday raketalarning uchirish moslamalarini aniq qurollar yordamida foydalanishdan chiqarish samaraliroq ekanini aytgan edi. Rossiya muntazam ravishda Ukrainani S-300 raketalaridan o‘qqa tutmoqda. Ushbu hujumlarning qurbonlari ko‘pincha tinch aholi bo‘lyapti.
Medvedevning tahdidlari ortida nima bor?
Rossiyaning Ukrainaga qarshi urushi boshlanganidan beri Dmitriy Medvedev bir necha bor yadro qurolidan foydalanish bilan tahdid qilgan. Shu bilan birga, Moskva hozirda haqiqatan ham bunday imkoniyatni ko‘rib chiqayotgani haqida aniq belgilar yo‘q, deb ta’kidlaydi dpa agentligi.
Reuters, o‘z navbatida, ko‘plab ekspertlar Vladimir Putinning ushbu ishonchli vakili bayonotlarini Rossiya Federatsiyasi prezidenti ma’muriyati rahbariyatidagi kayfiyat ko‘rsatkichi sifatida baholashini yozadi.
Tavsiya etamiz
Tramp qamchini qo‘lga olyaptimi?
Jahon | 09:05 / 31.07.2025
Yangi eskrou tizimi. Bu uy-joy narxini yanada qimmatlashtiradimi?
Ko‘chmas mulk | 11:37 / 30.07.2025
Urush balosi: «Aeroflot»ni nega «buzishdi»?
Jahon | 23:22 / 29.07.2025
«Aeroflot»ga hujum. Bir kundan keyin nimalar ma’lum?
Jahon | 21:16 / 29.07.2025
So‘nggi yangiliklar
-
Kreml AQSh bilan yashirin muzokara olib bordi va Ukraina bo‘yicha yon berishdan bosh tortdi
Jahon | 23:50 / 31.07.2025
-
AQSh Ukrainadagi urush qachon tugashi kerakligini belgiladi
Jahon | 23:05 / 31.07.2025
-
Ukrainada korrupsiyaga qarshi kurash idoralariga mustaqillik qaytarildi
Jahon | 22:53 / 31.07.2025
-
Parlamentdagi muxolifat, pulli yo‘llarning kechiktirilishi, o‘zbek sportidagi xush va noxush xabar – mahalliy dayjest
O‘zbekiston | 22:42 / 31.07.2025
Mavzuga oid

23:05 / 31.07.2025
AQSh Ukrainadagi urush qachon tugashi kerakligini belgiladi

22:53 / 31.07.2025
Ukrainada korrupsiyaga qarshi kurash idoralariga mustaqillik qaytarildi

21:10 / 31.07.2025
Rossiya harbiylari Chasiv Yar egallanganini e’lon qildi, Ukraina tomoni buni rad etmoqda

19:42 / 31.07.2025