Qoʻshimcha funksionallar
-
Tungi ko‘rinish
HAMAS Isroil bilan tinchlik kelishuviga rozi bo‘ldi
Falastinning HAMAS harakati siyosiy byurosi rahbari Ismoil Honiya G‘azo sektorida sulh tuzish haqidagi taklifni qabul qilishga tayyorligini aytdi.

Foto: Reuters
Bu haqda u Qatar bosh vaziri Muhammad bin Abdurahmon bin Jasim Ol Soniy va Misr Bosh razvedka xizmati rahbari Abbos Komil bilan telefon orqali suhbatda ma’lum qilgan. Qatar va Misr HAMAS va Isroil o‘rtasidagi muzokaralarda vositachilik qilmoqda.
«Ularga HAMAS harakati o‘t ochishni to‘xtatish haqidagi kelishuv bo‘yicha takliflarni ma’qullagani haqida xabar berdim», deb «Kommersant» Honiya bayonotidan iqtibos keltirdi.
Bundan sal oldin The Times of Israel nashri Isroil armiyasi Rafah shahrining sharqiy mintaqasida aholini evakuatsiya qilinishga chaqiruvchi varaqalar tarqata boshlagani haqida xabar bergan edi. Isroil G‘azo sektorining janubida joylashgan shaharda harbiy amaliyot o‘tkazmoqchi, garchi g‘arbiy ittifoqchilari uni bundan qaytarayotgan bo‘lsa-da. Rafahda taxminan bir million qochqin yashamoqda.
29 aprel kuni muzokaralar chog‘ida HAMAS harakatiga 40 kunlik otashkesim taklif qilingan edi. Kelishuv, shuningdek, hamaschilar tomonidan garovga olinganlarni falastinlik mahbuslarga almashtirishni ham o‘z ichiga olardi.
AQSh Milliy xavfsizlik kengashining strategik aloqalar bo‘yicha koordinatori Jon Kirbi ushbu kelishuv Rafah operatsiyasini kechiktirishini taxmin qildi. Biroq Isroil bosh vaziri Binyamin Netanyahu bo‘lajak harbiy operatsiya HAMAS bilan muzokaralar natijasiga bog‘liq emasligini aytdi.
Isroil va HAMAS o‘rtasida sulh bo‘yicha muzokaralar bir necha oydan beri davom etmoqda.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Sankt-Peterburgda xorijliklarga 2025 yil oxirigacha taksi haydovchisi bo‘lib ishlash taqiqlandi
Jahon | 23:26
-
Bastakor Sultonali Rahmatov vafot etdi
Jamiyat | 22:59
-
ChatGPT bilan muloqotlar sud talabi bilan hukumat topshirilishi mumkin
Jahon | 22:55
-
Rossiya Tergov qo‘mitasi «Krokus» terakti tashkilotchilarini aniqladi
Jahon | 22:40
Mavzuga oid

20:22
Isroil G‘azo blokadasini buzish uchun kelgan kemani qo‘lga oldi

09:37
G‘azoning ayrim hududlarida harbiy harakatlar har kuni 10 soatga to‘xtatiladi

08:59
Germaniya hozircha Falastin davlatini tan olish niyatida emas

21:32 / 27.07.2025