Toshkentdagi mehmonxonada kechasi baland ovozda musiqa qo‘ygan xorijlik 15 sutkaga qamaldi
U mayda bezorilik, maishiy shovqinga qarshi kurash talablarini buzish hamda ichki ishlar organlari xodimining qonuniy talablarini bajarmaslik kabi huquqbuzarliklarni sodir etganlikda aybli deb topilgan.
Toshkent shahridagi mehmonxonada kechasi baland ovozda musiqa qo‘yib, atrofdagilarning tinchini buzgan chet el fuqarosi ma’muriy jazoga tortildi.
Kun.uz muxbiri tanishgan sud hujjatida keltirilishicha, 2024 yil 16 aprel kuni soat 22:30da Malika mehmonxonasi xodimi F.Aliyev Toshkent shahar IIBB ishonch telefoniga qo‘ng‘iroq qilib, mijoz Aleksander Xaustav fuqarolar tinchini buzayotganini ma’lum qilgan. U arizasida mijoz kechasi baland ovozda musiqa qo‘ygani, shuningdek, mast holatda mehmonxonaga peshob qilganini bildirgan.
Holat yuzasidan voqea joyiga IIO xodimlari yetib kelgan hamda Aleksander Xaustavni IIB bo‘limiga taklif qilishgan. Ammo u IIB bo‘limiga borishdan bosh tortib, ichki ishlar organlari xodimlarining qonuniy talabini bajarmagan.
Sud majlisida so‘ralgan huquqbuzar mijoz aybiga iqror bo‘lgan. U o‘sha kuni uyida spirtli ichimlik iste’mol qilgani, O‘zbekistonga pasxa bayrami munosabati bilan ota-onasi qabrtoshlarini yangilash uchun kelgani, mehmonxonaga yetgan zararlarni qoplab berishi, qilgan ishidan pushaymonligini aytgan. Mehmonxona xodimi esa Aleksander Xaustav musiqani baland qo‘yib mehmonlar tinchini buzgani, sigaret chekib tashlashi natijasida mehmonxonaga zarar yetkazganini ma’lum qilib, unga qonuniy chora ko‘rishni so‘ragan.
Sud qarori bilan Aleksander Xaustav Ma’muriy javobgarlik to‘g‘risidagi kodeksning 183-moddasi (Mayda bezorilik), 192-moddasi (Maishiy shovqinga qarshi kurash talablarini buzish) va 194-moddasining 1-qismida (Ichki ishlar organlari xodimining qonuniy talablarini bajarmaslik) ko‘rsatilgan huquqbuzarliklarni sodir etganlikda aybli deb topilgan. Unga 15 sutka ma’muriy qamoq jazosi tayinlangan.
Tavsiya etamiz
Zelenskiydan mamnun, Rossiya zarbalaridan hafsalasi pir bo‘lgan. Trampning oxirgi bayonotlaridan asosiy gaplar
Jahon | 16:21 / 28.04.2025
Turkiyalik erkak operatsiyadan keyin ona tilini unutib, boshqa tilda gapirishni boshladi
Jahon | 19:42 / 27.04.2025
Havo isib ketishi va qurg‘oqchilikka tayyor turishimiz kerak – Erkin Abdulahatov
O‘zbekiston | 15:55 / 26.04.2025
Muddat qo‘yuvchi Tramp: buning oxiri bormi?
Jahon | 22:09 / 24.04.2025
So‘nggi yangiliklar
-
«Men Ukrainani qutqaryapman» - Tramp
Jahon | 01:02
-
Niderlandiyadagi muzeyda bola 50 mln yevrolik kartinaga shikast yetkazdi
Jahon | 00:31
-
Fransiya Rossiya harbiy razvedkasini muntazam ravishda kiberhujumlar uyushtirib kelganlikda aybladi
Jahon | 23:49 / 29.04.2025
-
Pentagon ayollar huquqlarini kengaytirish dasturini yopdi
Jahon | 23:31 / 29.04.2025
Mavzuga oid

15:27 / 29.04.2025
Isroilga qarshi sud eshituvi, Hindiston hujumini kutayotgan Pokiston va Ukrainada 9 may otashkesimi - kun dayjesti

10:54 / 29.04.2025
BMT sudi Isroilning G‘azodagi embargosi bo‘yicha eshituvlarni boshladi

13:05 / 28.04.2025
Eron portidagi dahshatli portlash, Kanadada fojiaga aylangan festival va Suvaysh kanaliga «ko‘z olaytirayotgan» Tramp - kun dayjesti

09:45 / 28.04.2025