Qoʻshimcha funksionallar
-
Tungi ko‘rinish
Apple AQSh bozori uchun iPhone ishlab chiqarishni Hindistonga ko‘chirmoqchi
iPhone smartfonlarining asosiy qismi hali ham Xitoyda ishlab chiqariladi.
Foto: AP
Apple kompaniyasi Tramp boshlagan savdo urushi fonida kelasi yildan AQSh bozori uchun mo‘ljallangan barcha iPhone smartfonlarini ishlab chiqarishni Xitoydan Hindistonga ko‘chirishni rejalashtirmoqda, deb yozdi Financial Times.
Apple avvaldan ta’minot zanjirlarini diversifikatsiya qilishga intilgan, ammo endi bu jarayonni tezlashtirish niyatida, deb yozdi nashr.
Kompaniya har yili Qo‘shma Shtatlarda sotiladigan 60 million dona iPhone smartfonlarining barchasini 2026 yil oxirigacha Hindistonda yig‘ishni maqsad qilgan – buning uchun mamlakatda qurilmalar ishlab chiqarishni ikki barobar oshirish kerak bo‘ladi.
Apple so‘nggi yillarda Foxconn va Tata Electronics bilan shartnomalar tuzib, Hindistonda ishlab chiqarishni ko‘paytirishga harakat qilgan bo‘lsa-da, iPhone smartfonlarining asosiy qismi hali ham Xitoyda ishlab chiqariladi.
Xitoy bu yil AQSh prezidenti Donald Tramp tomonidan joriy etilgan eng katta bojlarning nishoniga aylandi. Biroq, Tramp Pekin bilan savdo bitimi tuzishga umid qilmoqda.
Vashington aprel oyi boshida Hindiston importiga 26 foizlik bojni e’lon qildi, biroq qarorning amal qilishi to‘xtatildi.
International Data Corporation ma’lumotlariga ko‘ra, o‘tgan yili global iPhone sotuvining qariyb 28 foizi AQSh hissasiga to‘g‘ri keldi.
Mavzuga oid
17:55
Xitoy AQShning ayrim tovarlariga nisbatan yuqori bojlarni bekor qilmoqda - OAV
13:55
Ochlikka ro‘para bo‘lgan G‘azo, sanksiyalardan xalos bo‘lishga urinayotgan Suriya va Rossiyaning Qirg‘izistonga tahdidi - kun dayjesti
13:33
Ukraina tinchlik rejasi bo‘yicha 5 ta talabini AQShga ma’lum qildi
11:19