OAV: AZAL samolyotini urib tushirish buyrug‘ini Rossiya HHM kapitani bergan

1 iyul, seshanba kuni Ozarboyjonning Minval nashri rossiyalik havo hujumidan mudofaa kapitani Dmitriy Paladichukning tushuntirish xatini e’lon qildi, unda u 2024 yil 25 dekabrda Grozniyga yaqinlashayotganda urib tushirilgan Azerbaijan Airlines (AZAL) aviakompaniyasining Embraer 190 samolyotiga o‘t ochish buyrug‘ini bergan.

Minval maqolasida tahririyatga «shov-shuvli materiallar bilan anonim xat» kelib tushgani, ular orasida tushuntirish xatidan tashqari, samolyotda zarba vaqtida olingan video va audio yozuvlar ham borligi aytiladi.

Samolyotning o‘zi tushuntirish xatida aytilmagan, matnda tuman tufayli ko‘rinmagan «potensial nishon» aniqlangani haqida so‘z boradi. Kapitan Paladichuk bu haqda 51-diviziya harbiy qo‘mondonlik punktiga xabar berib, obektning balandligi va tezligini ma’lum qildi, deya ta’kidlaydi The Insider. Kapitan telefon orqali nishonni yo‘q qilish buyrug‘ini olgan, shundan so‘ng operatorga o‘q otish buyrug‘ini bergan. Birinchi raketa nishonga tegmagan, Paladichuk yana o‘q otish buyrug‘ini bergan.

The Insider ma’lum qilishicha, Dmitriy Paladichuk aslida Rossiya havo mudofaasining turli bo‘linmalarida, shu jumladan Novosibirskdagi 14-havo kuchlari va havo mudofaasi armiyasida xizmat qilgan. Qayd etilishicha, kapitan telefon orqali suhbatda nashrga berilgan tushuntirish xatining haqiqiyligini tasdiqlagan. «Paladichuk samolyotga o‘t ochilganidan keyin armiya qo‘mondoniga tushuntirish xati yozganini tasdiqladi va uning haqiqiy ekanini, masalan, "yo" harfini yozishdagi o‘ziga xos imlosini tasdiqladi», - deb yozadi The Insider.