Худойназар Файзов: «Колумбияликларни 5:0га ютмоқчимиз»

Бутунжаҳон бокс сериясида (WSB) мусобақаларда қатнашаётган «Uzbek Tigers» жамоаси аъзоси, -52 кг вазн тоифасида рингга кўтариладиган Худойназар Файзов «Colombia Heroicos»га қарши бўлиб ўтадиган жанг олдидан ўз фикрлари билан ўртоқлашди.

«Кубадаги мағлубият бизга бироз тушкун кайфият олиб келганди (Кубада жамоа 0:5 ҳисобида ютқазган — KUN.UZ изоҳи). Шу боис буёғига машғулотларни икки ҳисса кўпайтириб, кунига уч маҳаллаб ишладик.

Кечаги ғалаба билан барча бокс мухлисларини табрикламоқчи. Байрамни давом этиришимиз керак бунинг учун бир жамоа бўлиб тинимсиз ишлашда давом этмоқдамиз. Эртага колумбияликларни 5:0 ҳисобида ютишни мақсад қилганмиз. Мавсум сўнгида WSB кубогини Ўзбекистонга олиб келишни истаймиз.

Бўлажак рақибим билан рингга биринчи марта чиқишим бўлади. У тажрибали, катта рингларда жанг қилишга улгурган. Шунга қарамасдан уни мағлубиятга учратишга ҳаракат қилиб кўраман», дея гапириб ўтди Файзов KUN.UZ мухбири билан суҳбатда.