Қўшимча функционаллар
-
Тунги кўриниш
Исроилда коронавирусга қарши капсула шаклидаги вакцина ишлаб чиқилди
Oramed Pharmaceuticals компанияси бош директори Надав Кидроннинг сўзларига кўра, ушбу вакцина «коронавируснинг турли штаммларига нисбатан чидамли, иккинчидан, унинг ножўя таъсирлари камроқ». Бундан ташқари, вакцинани алоҳида шароитда сақлаш шарт эмас.
Фото: Getty Images
Исроилда дунёда биринчи бўлиб коронавирусга қарши капсула шаклидаги вакцина ишлаб чиқилди ва унинг клиник синовларига тайёргарлик кўрилмоқда. Бу ҳақда The Jerusalem Post нашри хабар бермоқда.
Синовлар яқин бир неча ҳафта ичида Сураски номидаги тиббий марказда бошланади. Синовларда вакцина билан эмланмаган 24 нафар кўнгилли иштирок этади. Уларнинг ярми бир донадан, қолган ярми эса икки донадан капсула қабул қилади. Синовлар олти ҳафта давом этади.
Oramed Pharmaceuticals компанияси бош директори Надав Кидрон янги вакцинанинг бир нечта устунликларини айтиб ўтди. Унинг сўзларига кўра, биринчидан, вакцина «коронавируснинг турли штаммларига нисбатан чидамли, иккинчидан, унинг ножўя таъсирлари камроқ».
Бундан ташқари, вакцинани дунё бўйича етказиб бериш осон, чунки уни алоҳида шароитда сақлаш шарт эмас.
Таъкидланишича, вакцинани уйда мустақил қабул қилиш мумкин.
Кидроннинг айтишича, синовлар муваффақиятли ўтса, вакцинани бошқа мамлакатларда ҳам маъқуллашга ҳаракат қилинади.
Коронавирус
Мавзуга оид
14:41
Ғазода отишмалар остида тарқатилаётган таом, АҚШ ҳарбий учоғини қулатган ҳусийчилар ва «келажак шаҳри»ни тортолмаётган Саудия — кун дайжести
15:27 / 29.04.2025
Исроилга қарши суд эшитуви, Ҳиндистон ҳужумини кутаётган Покистон ва Украинада 9 май оташкесими — кун дайжести
10:54 / 29.04.2025
БМТ суди Исроилнинг Ғазодаги эмбаргоси бўйича эшитувларни бошлади
13:05 / 28.04.2025