Qoʻshimcha funksionallar
-
Tungi ko‘rinish
Isroilda koronavirusga qarshi kapsula shaklidagi vaksina ishlab chiqildi
Oramed Pharmaceuticals kompaniyasi bosh direktori Nadav Kidronning so‘zlariga ko‘ra, ushbu vaksina «koronavirusning turli shtammlariga nisbatan chidamli, ikkinchidan, uning nojo‘ya ta'sirlari kamroq». Bundan tashqari, vaksinani alohida sharoitda saqlash shart emas.
Foto: Getty Images
Isroilda dunyoda birinchi bo‘lib koronavirusga qarshi kapsula shaklidagi vaksina ishlab chiqildi va uning klinik sinovlariga tayyorgarlik ko‘rilmoqda. Bu haqda The Jerusalem Post nashri xabar bermoqda.
Sinovlar yaqin bir necha hafta ichida Suraski nomidagi tibbiy markazda boshlanadi. Sinovlarda vaksina bilan emlanmagan 24 nafar ko‘ngilli ishtirok etadi. Ularning yarmi bir donadan, qolgan yarmi esa ikki donadan kapsula qabul qiladi. Sinovlar olti hafta davom etadi.
Oramed Pharmaceuticals kompaniyasi bosh direktori Nadav Kidron yangi vaksinaning bir nechta ustunliklarini aytib o‘tdi. Uning so‘zlariga ko‘ra, birinchidan, vaksina «koronavirusning turli shtammlariga nisbatan chidamli, ikkinchidan, uning nojo‘ya ta'sirlari kamroq».
Bundan tashqari, vaksinani dunyo bo‘yicha yetkazib berish oson, chunki uni alohida sharoitda saqlash shart emas.
Ta'kidlanishicha, vaksinani uyda mustaqil qabul qilish mumkin.
Kidronning aytishicha, sinovlar muvaffaqiyatli o‘tsa, vaksinani boshqa mamlakatlarda ham ma'qullashga harakat qilinadi.
Koronavirus
Mavzuga oid
15:27 / 29.04.2025
Isroilga qarshi sud eshituvi, Hindiston hujumini kutayotgan Pokiston va Ukrainada 9 may otashkesimi - kun dayjesti
10:54 / 29.04.2025
BMT sudi Isroilning G‘azodagi embargosi bo‘yicha eshituvlarni boshladi
13:05 / 28.04.2025
Eron portidagi dahshatli portlash, Kanadada fojiaga aylangan festival va Suvaysh kanaliga «ko‘z olaytirayotgan» Tramp - kun dayjesti
09:45 / 28.04.2025