Қўшимча функционаллар
-
Тунги кўриниш
Қозоғистон пойтахтида мобил алоқа ва интернет вақтинча узилиб қолди
Қозоғистон пойтахти Остона шаҳрида интернет ва мобил алоқада узилишлар кузатилди.
Фото: РИА Новости
Маҳаллий вақт билан тахминан соат 19.00 дан бошлаб, шаҳарда стационар ва мобил интернет ишламай қолган, айрим операторларнинг уяли алоқасида узилишлар кузатилган. Носозлик тахминан 1 соат давом этган.
Миллий хавфсизлик қўмитаси (МХҚ) Давлат техника хизмати носозлик сабабларини маълум қилди.
«Остона шаҳри ва Оқмўла вилоятидаги интернет шлюзлари электр таъминоти ускунасида содир бўлган авария туфайли телекоммуникация қурилмаларида носозликлар қайд этилди. Захира қувват манбаларига ўтиш бўйича ишлар олиб борилди. Электр таъминотидаги узилиш тизим ишига таъсир қилмади. Бироқ, Остона ва Оқмўла вилоятида интернет ишида носозликлар кузатилди», — дейилади хабарда.
Давлат техника хизмати ҳозирда тизимдаги носозлик бартараф этилгани ва алоқа одатдагидек ишлаётганини таъкидлади.
Мавзуга оид
23:24 / 17.06.2025
Тўқаев Мирзиёевни Ўзбекистон 2026 йилги жаҳон чемпионатига чиққани билан табриклади
20:36 / 17.06.2025
Марказий Осиё давлатлари ва Хитой ўртасида Абадий яхши қўшничилик, дўстлик ва ҳамкорлик тўғрисидаги шартнома имзоланди
18:53 / 17.06.2025
Қозоғистон президенти Хитойга 1,5 минг бош сайғоқ совға қилди
09:37 / 17.06.2025