Тошкентда 37 туп дарахтни кесиб кетган шахсларга жиноят иши қўзғатилди
Чилонзор тумани Бўрижар канали бўйидаги манзарали, мевали ва бошқа турдаги дарахтлар нобуд қилинди. Дарахтларни кесиб кетган 3 киши аниқланиб, уларга нисбатан жиноят иши қўзғатилди. Табиатга етказилган зарар миқдори 207 млн сўмни ташкил қилмоқда.
Бўрижар канали бўйидаги дарахтларни кесиб кетган шахслар топилди. Бу ҳақда Kun.uz’га Чилонзор туман экология бўлими бошлиғи Шукрулло Абдураҳмонов маълум қилди.
Унинг таъкидлашича, ҳозирда ҳуқуқбузарларни жиноий жавогарликка тортиш масаласи кўриб чиқилмоқда.
“Ушбу ноқонуний ҳаракатни амалга оширган фуқаролар аниқланди. Ҳозирда тергов жараёнлари олиб борилмоқда. Улар жами 37 туп дарахтни таг қисмидан кесиб кетишган. Табиатга зарар миқдори 207 млн сўмни ташкил қилади”, дейди Шукрулло Абдураҳмонов.
Канал бўйидан дарахтлар кесиб кетилаётганлигини Kun.uz’га ҳудудда яшовчи фуқаро билдирганди. Унга кўра, бу ҳолат бир кунда содир бўлмаган, ҳуқуқбузарлар вақти-вақти билан тунда келиб, 2-3 тадан дарахтни кесиб кетаверган.
“Экилган дарахтлар ҳаммаси мевали эди, ўтган-қайтган ер эди. Кечаси келиб кесиб кетишяпти. Кимлигини билмайман. Бир ҳафтадан бери давом этяпти. Бугун арча йиқилганидан кейин чидолмадим. Кейин экологияга мурожаат қилдим, аризани қабул қилдим деди, бу ерда камералар бор, кимлигини аниқласа бўлади. Катта оқ тут, олма, ўрик дарахтлари бор эди. Ҳаммасини кесиб, пастга олиб тушириб ташлашган, қўшнимда камера бор, ундан чиқмади, улар бошқа томондан келган деб айтди. Ҳеч кимдан сўрагани йўқ, бу жой давлатга тегишли”, деган эди шу ерда яшовчи Зокир Сиддиқов.
Тошкент шаҳар ИИББ ахборот хизматининг Kun.uz’га тасдиқлашича, дарахтларни кесганларга нисбатан Жиноят кодексининг 198-моддаси (экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) билан жиноят иши қўзгатилган. Ҳозирда тергов ҳаракатлари давом этмоқда.
Тавсия этамиз
Тошкентда йўл ўртасидаги биринчи тезюрар йўлак қурилиши бошланади
Ўзбекистон | 19:08 / 13.05.2025
1 июндан Ўзбекистон ва Хитой ўртасида 30 кунлик визасиз режим кучга киради
Ўзбекистон | 17:29 / 13.05.2025
Ўзбекистонликлар энг кўп Green Card ютганлар орасида 1-ўринни эгаллади
Жаҳон | 22:24 / 12.05.2025
Ҳиндистон ва Покистон: кимнинг армияси кучлироқ?
Жаҳон | 19:21 / 09.05.2025
Сўнгги янгиликлар
-
Жазирамада организмни қандай ҳимоялаш лозим? – ССВ тавсиялари
Ўзбекистон | 17:23
-
Афғонистон Ўзбекистонга Ҳирот оқ мармарини совға қилди
Ўзбекистон | 17:22
-
Саида Мирзиёева ЕИнинг Марказий Осиё бўйича махсус вакили билан учрашди
Ўзбекистон | 17:21
-
Трамп Қатар томонидан совға қилинадиган қаср-самолётни Пентагонга топширади
Жаҳон | 17:17
Мавзуга оид

20:18 / 12.05.2025
Тошкентдаги мактаб ўқитувчиси ўқувчиларга «Катюша» ёдлатгани хабар қилинди

11:18 / 22.04.2025
“5 та машина билан тўқнашган” – Тошкентда ЙПХдан қочган қора Gentra бўйича қўшимча маълумот берилди

10:28 / 21.04.2025
Тошкентда 10 дан ортиқ машинани уриб кетган Gentra'да бўлган 3 киши қамалди

17:33 / 20.04.2025