Video: Turkmaniston prezidenti kommandos qiyofasida ko‘rinish berdi

Internetda Turkmaniston prezidenti Gurbanguli Berdimuxamedov kommandos ko‘rinishida bo‘lgan rolik joylashtirildi.

Berdimuxamedov rolikda kamuflyaj kiyimida avtomat, miltiq va to‘pponchadan otayotgani, pichoqni ustamona uloqtirayotganini ko‘rish mumkin. U bularning barchasini 100 foiz aniqlik bilan, harbiylar olqishlari ostida bajarmoqda. Rolikka qoldirilgan izohlarda Berdimuxamedov jangari filmlar qahramonlariga qiyoslangan. Izoh qoldirganlardan biri Berdimuxamedovga “Turkmenator” deb nom ham bergan. Boshqa bir foydalanuvchi esa suratga olish usuli hind kinosini eslatib yuborishini aytgan.

Turkmaniston davlat axborot agentligi saytida prezident Ashxobodning janubiy qismidagi qo‘shinlar tayyorligini tekshirgani ma'lum qilingan.   

“Mamlakat rahbari bu yerda taqdim qilingan eng yangi jangovar qurolni qo‘liga olib, nishonni aniq ura olishini namoyish qildi, bu esa u yuqori darajadagi harbiy tayyorgarlikka egaligining isboti bo‘ldi. So‘ngra prezident to‘pponchadan nishonga o‘q uzishda ustaligini namoyish qildi. Oliy qo‘mondon shtik-pichoqlar bilan nishonni urib, sovuq qurolga mohirona egalik qilish bo‘yicha malakalarini namoyish qildi», deb aytilgan xabarda.

{Yii::t(}

O'tkazib yuborish 6s

O'tkazib yuborish