Qoʻshimcha funksionallar
-
Tungi ko‘rinish
Eksport qilingan o‘zbek mevasidan yana zararkunanda topildi
«Rosselxoznadzor» O‘zbekistondan keltirilgan quruq mevada kaper qo‘ng‘izi topilganini ma'lum qildi.
Foto: east-fruit.com
Rossiya Federatsiyasining Veterinariya va fitosanitariya bo‘yicha federal xizmati («Rosselxoznadzor») import qilingan o‘zbek quruq mevasida karantinli zararkunanda – kaper qo‘ng‘izi mavjudligini aniqlagani haqida xabar berildi.
«O‘zbekistondan keltirilgan 1 tonna quritilgan o‘rik mevasini fitosanitar karantin tekshiruvidan o‘tkazish tadbirida kaper qo‘ng‘izi (Trogoderma granarium Ev.) aniqlandi. Zararkunanda lichinka holida bo‘lib, bir kilo tovarda ikkita topilgan», — deya xabar beradi RIA.
«Rosselxoznadzor» mamlakatda barqaror fitosanitar sharoitni saqlab qolish maqsadida O‘zbekiston quruq meva va yong‘oq mahsulotlari importiga taqiq qo‘yish talabini ilgari surishi mumkin.
Idora xabariga ko‘ra, ayni paytda tomonlar mazkur masala yuzasidan muzokara olib borishmoqda.
Avvalroq, Rossiya Federatsiyasining Veterinariya va fitosanitariya bo‘yicha federal xizmatining («Rosselxoznadzor») rasmiy veb-saytida O‘zbekistondan Rossiyaga qalampir va pomidor mahsulotlarining kirib kelishi uchun vaqtinchalik taqiq qo‘yilgani to‘g‘risida xabar berilgandi.
Mavzuga oid
11:57
Rossiyada havo qatnovidagi kollaps 60 ming kishiga ta’sir qildi
10:09
Vens Rossiya va Ukrainani to‘g‘ridan to‘g‘ri muzokaralar o‘tkazishga chaqirdi
08:40
Zelenskiy: Rossiya bilan 30 kunlik o‘t ochishni to‘xtatish taklifi kuchda qolyapti
21:12 / 07.05.2025