Қўшимча функционаллар
-
Тунги кўриниш
Озарбойжонда Арманистон билан қарама-қаршилик ортида интернетдан фойдаланиш чекланди
Фото: Armenian Defense Ministry Press Service/PanPhoto via AP
Озарбойжон транспорт, алоқа ва юқори технологиялар вазирлиги мамлакатда интернетдан фойдаланишга чеклов киритди. Вазирликда таъкидланишича, бу Арманистон томонидан содир этилиши мумкин бўлган катта кўламли иғвогарликлар олдини олиш мақсадида амалга оширилган.
27 сентябрда Тоғли Қорабоғда Озарбойжон ва Арманистон ўртасида жанговар ҳаракатлар бошланди.
“Бизда уруш. Интернет узиб қўйилди, мессенжер ва ижтимоий тармоқлар ишламаяпти”, деб маълум қилган Озарбойжон пойтахти Бокуда яшовчи фойдаланувчилардан бири.
Озарбойжон алоқа вазирлигида фуқаролар ҳарбий ҳаракатлар шароитида ушбу чекловларга тушуниш билан қарашларига умид билдирилган.
Бундан ташқари, Озарбойжон президенти Илҳом Алиев республиканинг бир қатор шаҳарлари ва ҳудудларида ҳарбий ҳолат киритилишини тасдиқлаган. Шунингдек, 28 сентябрдан комендантлик соати жорий қилинади.
Аввалроқ Озарбойжон мудофаа вазирлиги Арманистон қуролли кучлари Тоғли Қорабоғ билан туташув чизиғидаги аҳоли пунктларини ўққа тутганини, бунинг оқибатида тинч аҳоли орасида йўқотишлар борлигини маълум қилган. Бу орада Арманистоннинг таъкидлашича, Тоғли Қорабоғ Озарбойжон армияси томонидан ҳаво ва ракета ҳужумларига учраган.
Қорабоғ уруши
Мавзуга оид
18:25 / 28.07.2025
2 млрд долларлик инвестиция, 100 млн тонна нефт ва 35 млрд куб метр газ – SOCAR билан имзоланган битим тафсилотлари
21:14 / 26.07.2025
Озарбойжон Россиядан AZAL самолёти ҳалокати учун жавобгарликни тан олишни талаб қилди
09:54 / 23.07.2025
Ереван Боку билан ЕХҲТ Минск гуруҳини тарқатиб юбориш шартини муҳокама қилмоқда
15:45 / 22.07.2025