Андижонда ҳокимият олдидаги йўлни тўсган аёллар жазоланди (видео)

Улар вилоят ҳокими қабул қилмагани сабабли ўз норозиликларини йўлни тўсиш орқали намойиш этишган эди.

Андижон вилояти ИИБ ахборот хизматининг маълум қилишича, 31 июль куни Андижон вилоятида бир гуруҳ фуқаролар вилоят ҳокимлиги биноси олдига ҳоким қабули учун келишган. 

{Yii::t(}

Ўтказиб юбориш 6s

Ўтказиб юбориш

Ҳокимлик томонидан қабул кунига ўзгартириш киритилгани ва ҳозирда ҳокимнинг биринчи ўринбосари қабулига киритилиши маълум қилинган. Бироқ фуқаролар ўринбосар қабулига киришдан бош тортишган ва ҳокимлик биноси ёнидан ўтган автомобиль йўлига чиқиб, машиналар ҳаракатини чеклашга уринишган.

Шундан сўнг мазкур ҳолат юзасидан терговга қадар текширув ҳаракатлари олиб борилиб, ҳужжатлар Андижон шаҳар судига юборилган.

Суд қарори билан 11 нафар фуқарога МЖтКнинг 183-(майда безорилик), 194-(ИИО ходимининг қонуний талабларини бажармаслик) ва 201-моддалари (йиғилишлар, митинглар, кўча юришлари ёки намойишлар уюштириш, ўтказиш тартибини бузиш) 1-қисмига кўра 8-11 сутка маъмурий қамоқ жазоси ва яна 6 нафар фуқарога БҲМнинг 7 баравари (1 млн 715 минг сўм) жарима тайинланган.

Бундай ҳолат Андижонда биринчи марта эмас. Ўтган йили интернетда Андижон вилояти ҳокими Шуҳрат Абдураҳмонов унга «сассиқ гапирган» марҳаматлик уч аёлни 15 суткага қаматгани ҳақида гапирган аудио тарқалган ва ушбу аудиога вилоят ҳокимлиги ахборот хизмати расмий муносабат билдирган эди.