Kerri Moskva va Damashqni diplomatik yo‘ldan bosh tortishda aybladi

AQSh Davlat kotibi Jon Kerri Rossiya va Suriyani inqirozni tinch yo‘l bilan hal qilishdan bosh tortib, harbiy harakatalarni jadallashtirishda aybladi.

"Suriya rejimi va Rossiya birgalikda diplomatiyani rad qilmoqda va urush bilan g‘alabaga erishishni istamoqda", deya Kerrining so‘zlarini keltirgan Jon Kerri.

Kerri Suriya inqirozi "terrorchilar uchun ohanrabo" kabi ekani haqida aytib, ayni vaqtda gumanitar sohada Ikkinchi jahon urushi davridan buyon eng og‘ir vaziyat yuzaga kelganini qayd etgan.

U buning uchun barcha aybni Bashar Asad hukumati zimmasiga yuklagan.

Moskva esa bir necha marta Rossiya Suriyaga Bashar Asad rejimini qo‘llab-quvvatlash uchun emas, terrorchilarni mag‘lub etish uchun kirgani haqida ta'kidlagandi. Shuningdek, Halabdagi bombardimon ishlari jiddiy tekshiruvlardan keyin, tinch aholi vakillari talofat ko‘rmasligini ta'minlashga e'tibor qaratilgan holda olib borilayotganini bildirgan.