Farg‘onada sobiq o‘quvchilar maktabga yangi bino qurib berdi

E’tiborlisi, bino maktab bitiruvchilarining tashabbusi bilan bunyod etilgan. Bu haqda Maktabgacha va maktab ta’limi vazirligi matbuot xizmati vakili Laylo Rustamova Kun.uz’ga xabar berdi. 

“Maktabning binosi 1974 yilda 220 o‘ringa mo‘ljallab qurilgan bo‘lib, muassasada 438 nafar o‘quvchi ta’mirtalab sinf xonalarida ikki navbatda ta’lim olayotgan edi. 

Qisqa muddatda ta’lim maskani uchun 220 o‘rinli yangi o‘quv binosi qad rostladi. Mavjud 220 o‘rinli eski bino ham ta’mirlandi. 

Bundan tashqari, 6 ta sinfxonasi, kompyuter sinfi, zamonaviy mebel va o‘quv jihozlari bilan ta’minlandi. 

Ushbu xayrli ishlarni amalga oshirishga 3 milliard so‘mdan ortiq mablag‘ sarflandi.

Yangidan barpo etilgan ta’lim maskani o‘quvchilar va ularning ustozlari uchun o‘ziga xos sovg‘a bo‘ldi.

Bu yerda o‘quvchilarning bilim olishi uchun endi barcha sharoit va imkoniyatlar mavjud”, – deyiladi xabarda.