Qoʻshimcha funksionallar
-
Tungi ko‘rinish
Reuters: Rossiya va OPEK neft qazib olishni qisqartirishni muhokama qilyapti
Rossiya va OPEK neft qazib olishni qisqarishni muhokama qilmoqda, u sutkada 1 million barrelgacha yetishi mumkin, Reuters xabariga ko‘ra. 4 iyun kuni bo‘lib o‘tadigan uchrashuv arafasida mamlakatlar pozitsiyalariga may oyi oxirida bir barrel uchun 72 dollardan pastga tushgan neft narxi ta’sir ko‘rsatmoqda. WSJ avvalroq uchrashuv oldidan Rossiya va Saudiya Arabistoni o‘rtasidagi «taranglik» haqida yozgan edi.

Foto: Reuters
Rossiya, Saudiya Arabistoni va OPEK+ boshqa a’zolari neft qazib olishni qisqartirishni muhokama qilmoqda: bu 4 iyun kuni Venada bo‘lib o‘tadigan uchrashuvning ehtimoliy natijalaridan biri bo‘lishi mumkin, deb xabar qildi Reuters axborot agentligi uch kishiga tayanib. Ularning fikricha, ishlab chiqarishning yangi qisqarishi kuniga 1 million barrelgacha yetishi mumkin. Shu bilan birga, agentlikning ikki manbasi avvalroq OPEK+’dan yangi cheklovlar kutmasligini aytgan edi.
Agar davlatlar bunday qisqartirishni ma’qullasa, ishlab chiqarishning umumiy qisqarishi kuniga 4,66 million barrelga yetadi, bu global talabning taxminan 4,5 foizini tashkil qiladi, deya ta’kidladi Reuters. Hozirda qazib olishni OPEK+ doirasida kuniga 2 million barrelga, shuningdek, aprel oyida mamlakatlar e’lon qilgan «ixtiyoriy» kvotalar bo‘yicha kuniga 1,66 million barrelga qisqartirildi. O‘shanda, masalan, Rossiya qazib olishni kuniga 500 000 barrelga qisqartirishni yil oxirigacha uzaytirdi, Saudiya Arabistoni may oyidan boshlab xuddi shunday qisqartirishni e’lon qildi.
Mamlakatlar neft narxining pasayishiga reaksiya bildirishga majbur. May oyi oxirida Brent narxi bir barrel uchun 72 dollardan pastga tushdi va keyin yo‘qotishlarning faqat bir qismini qopladi: 2 iyun kuni savdolar bir barrel uchun 76,4 dollarda (o‘sish 0,35 foiz) yopildi. Brent narxi aprel oyida bir barrel uchun deyarli 70 dollargacha tushib ketgan edi, keyin ixtiyoriy ravishda ishlab chiqarishni qisqartirish e’lon qilingandan so‘ng 87 dollardan oshdi, biroq jahon iqtisodiy vaziyati va neftga bo‘lgan talabning istiqbollari haqidagi bozor xavotirlari tufayli yana pasaydi. «Biz jahon neft bozorida yanada muvozanat va barqarorlikka erishishga qaratilgan qarorlar haqida ikkilanmaymiz», dedi Iroq neft vaziri Hayyan Abdul G‘ani Venaga kelganidan so‘ng.
Saudiya Arabistoni energetika vaziri Abdulaziz bin Salmon avvalroq neft narxini pasaytirish uchun o‘ynayotgan investorlar ehtiyot bo‘lishlari kerakligini aytdi: ko‘plab tahlilchilar buni ishlab chiqarishning yangi qisqarishi haqida ogohlantirish sifatida baholadilar, deya ta’kidladi Reuters. Rossiya bosh vaziri o‘rinbosari Aleksandr Novak 25 may kuni 4 iyundagi yig‘ilishda «yangi qadamlar» bo‘lishini kutmayotganini aytdi.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Tramp Yevroittifoq bilan savdo bitimi tuzilganini e’lon qildi
Jahon | 00:48
-
Dunyoda elektromobillar savdosi oshmoqda
Avto | 00:26
-
Germaniya janubi-g‘arbida yo‘lovchi poyezdi izidan chiqib ketdi
Jahon | 00:00
-
Tojikistonda 10ta yangi tarixiy-madaniy meros yodgorliklari topildi
Jahon | 23:31 / 27.07.2025
Mavzuga oid

20:30 / 27.07.2025
Makron Rossiyaga nisbatan bosimni kuchaytirishga va’da berdi

09:02 / 27.07.2025
“Yangi loyihalarda Eron va Rossiyaning ishtiroki kamayib, turkiylarning ahamiyati ortib boryapti” – siyosatshunos

21:19 / 26.07.2025
Rossiyaning yagona aviatashuvchisi «Admiral Kuznetsov» konservatsiya qilinadi

21:14 / 26.07.2025