Жиззахда қоидани қўпол бузган Cobalt ҳайдовчиси одам ўлимига сабабчи бўлди

Cobalt қарама-қарши йўналишга чиққан ва ўз йўлидан келаётган Nexia-3ʼга урилган.

Фото: Видеодан кадр

Жиззах вилояти ҳудудидан ўтган йўлда одам ўлими билан боғлиқ йўл-транспорт ҳодисаси содир бўлган. Бу ҳақда вилоят ИИБ ЙҲХБ ахборот хизмати хабар бермоқда.

Маълум бўлишича, А-376 халқаро автомобил йўлининг 284-километрида Cobalt ва Nexia-3 машиналар ўзаро тўқнашган.

Оқибатда Nexia-3 ҳайдовчиси оғир тан жароҳатлари олиб, воқеа жойида ҳалок бўлган.

Ўтказилган суриштирувда ЙТҲга Cobalt ҳайдовчиси сабабчи бўлгани, у қоидаларни қўпол тарзда бузиб, қарама-қарши йўналишга чиққани ва ўз йўлидан келаётган Nexia-3ʼга урилгани аниқланган.

#ЙТҲ #Жиззах