Россия ва Украина 390 нафар асирни алмаштирди

Украина асирлигидан 270 нафар ҳарбий ва 120 нафар тинч аҳоли Россияга қайтарилди. Москва, шунингдек, маҳбуслар алмашинуви доирасида Киевга 270 нафар ҳарбий хизматчи ва 120 нафар тинч аҳоли вакилини топширди. Бу ҳақда Россия Мудофаа вазирлигига таяниб Meduza хабар берди.

Қайд этилганидек, алмашув Истанбулда эришилган келишувлар доирасида бўлиб ўтди. Яқин кунларда Украина билан кенг кўламли маҳбуслар алмашинуви давом этиши режалаштирилган.

Айни пайтда асирликдан қайтган россиялик ҳарбий хизматчилар ва фуқаролар Беларус ҳудудида бўлиб, уларга зарур психологик ва тиббий ёрдам кўрсатилмоқда. Тез орада улар Россия тиббий муассасаларда даволаниш ва реабилитация қилиш учун етказилади.

Украина президенти Владимир Зеленский Москва ва Киев ўртасида маҳбуслар алмашинувининг биринчи босқичи 23 май куни бўлиб ўтганини тасдиқлади. Келишув доирасида 390 киши Украинага қайтди.

16 май куни Истанбулда бўлиб ўтган музокаралар чоғида Россия ва Украина делегациялари «1000 га 1000» формуласи бўйича ҳарбий асирларни алмашишга келишиб олди. Россия ва Украина нашрлари манбаларининг хабар беришича, алмашинув 23 май куни бошланган ва уч кун давом этади.