Frantsuz klubi 60 yillik natijasini takrorladi

Fransiya kubogining yarim finalidan o‘rin olgan dastlabki juftlik g‘olibi aniqlandi.

Unda «Anjyer» o‘z uyida «Gengam»ni qabul qildi. Uchrashuvning birinchi bo‘limida Mangani, ikkinchi bo‘limning so‘nggi qismida Toko-Ekambi tomonidan kiritilgan gollar «Anjyer»ga g‘alaba keltirdi. Hisob 1:0 ko‘rinishini olib turganda «Gengam»da hisobni tenglashtirish imkoniyati yuzaga kelgandi. Biroq Brian penaltidan unumli foydalana olmadi.

Natijada 1919 yilda asosy solingan klub 1957 yildan buyon ilk marta kubok finaliga yo‘llanma oldi. 60 yil muqaddam final jamoa tarixidagi eng yaxshi natija sanaladi. O‘shanda «Anjyer» finalda «Tuluza»ga (3:6) imkoniyatni boy bergandi.

Finalning ikkinchi ishtirokchisi «PSJ» va «Monako» jamoalari uchrashuvida aniqlanadi. Uchrashuv bugun, Toshkent vaqti bilan 27 aprelga o‘tar kechasi bo‘lib o‘tadi.

Fransiya Kubogi, 1/2 final

Anjyer – Gengam 2:0 (1:0)
Gollar: Mangani (38), Toko-Ekambi (90+2)
Noaniq penalti: Brian (89, Gengam).

Anjyer: Letele, Toma, Traore, Sissoko, Manko, Ndoyye, Santamariya, Mangani, Bamba (Pavlovich, 86), Berigo (Pepe, 62), Dediu (Toko-Ekambi, 83).
Gengam: Yunsson, Kerbra, Marsal (Martinsh Pereyra, 71), Ikoko, Sorbon, Do, Diallo (de Po, 64), Dido, Salibur (Priva, 84), Brian, Mendi.
Ogohlantirishlar: Kerbra (19), Bamba (50), Diallo (60), Dido (75), Mangani (90).